Ресей Новороссийск портындағы дауылды сылтауратып Еуроодаққа Қазақстаннан баратын мұнай тасымалына қасақана бөгет жасап отыр дейді неміс басылымы Handelsblatt.
Мақсаты: Украинаға соғыс ашқаны үшін РФ-на санкция жариялаған елдерде мұнай бағасын қымбаттатып, ЕО экономикасына зардап шектіру.
Әңгіме болып отырған штаб-пәтері Мәскеуде орналасқан Каспи құбырөткізу концорциумының инфраструктурасы. “Мұнай құбыры Ресей аумағы арқылы өтеді және консорциумда ресейлік фирмалардың үлесі басым. Бірақ, құбырдағы мұнай Қазақстанда мұнай өндірумен айналысатын Chevron, Shell және Eni секілді батыстық фирмаларға тиесілі”, - дейді газет.
Сонымен қатар, бұл жағдай Мәскеу Қазақстанға өз билігін толық жүргізіп отырғанын көрсетеді. Handelsblatt: "Қазақстанды мысал ретінде қарап Ресейдің Украинаға не үшін соғыс ашқанын түсінуге болады”.
Яғни, Ресейге Украинаның да Қазақстан секілді сателлит мемлекет, ерік-жігері әлсіз, айтқанға көнгіш, қолбала ел болғаны керек.
Қазақ көнген мазаққа, украин көнбей жатыр.
