Чехияда өткен WTA 500 турнирінде Елена жартылай финалдан жорығын аяқтады. Оған дейін Киз, Саснович, Квитова деген теннисшілерден басым түсіп, жартылай финалда әлемнің 23-ракеткасы, чехиялық Барбора Крейчиковамен финалдың жолдамасын сарапқа салды. Қазақстандық теннисші матчты сәтті бастап, бірінші партияны сенімді ұтты – 6:3. Алайда екінші сетте тай-брейкте Крейчикованың жолы болды – 7:6 (7:4). Үшінші, шешуші партияда чехиялық спортшы таразы басын өзіне аудара білді – 6:4. Жергілікті теннисші өз жанкүйерлерінің алдында жеңіске жетті.
