Жақында Иордания мемлекетінің астанасы Амман қаласында 17 жасқа дейінгі қыздар арасында күрестен Азия чемпионаты өтті. Аталмыш жарысқа Сайрам ауданынан қос қайсар қыз қатысты.
Сайрам ауданына қарасты Ынтымақ ауылының №24 М.Мақажанов атындағы жалпы білім беретін мектебінің оқушысы Зейнеп Эламас 69 келі салмақ дәрежесінде күміс жүлдеге қол жеткізді. Жаттықтырушы-ұстазы Қанат Раймқұловтың еселі еңбегі ақталды.
Сонымен қатар бәсекеде Сайрам ауданы, Ақбұлақ ауылындағы №18 Ә.Құрмантаев атындағы жалпы білім беретін мектебінің оқушысы және Түркістан облысы дене шынықтыру спорт басқармасына бағынысты №2 Балалар мен жасөспірімдер спорт мектебінің спортшысы, Қадір Ақбота 73 келі салмақта қола медаль алды. Оның осы жеңісіне жаттықтырушысы Асқарбек Орынбасаровтың тынымсыз табандылығы ықпал етті.
