Қостанай қаласында ауыр атлетикадан ересектер арасындағы ҚР чемпионаты өтіп жатыр.Оған еліміздің түкпір-түкпірінен кіл мықты зілтемір шеберлері өзара бақ сынасуда. Аталған сайысқа шардаралық Алишер Тұрғанбай қатысып, алтын алқа жүлдегері атанды. 61 кг салмақ дәрежесіндегі ол жұлқа көтеруден 117 кг ал серпе көтеруден 140 кг, қоссайыс нәтижесінде 257 кг зілтемірді бағындырып, Түркістан облысынан шыққан ересектер арасындағы тұңғыш Қазақстан Республикасының чемпионы болды.Жеңімпаздың жаттықтырушылары – Асхат Кубеев пен Талғат Өскенбаев.
