Қазақстан шахмат федерациясының баспасөз қызметі: «Қазақстандық шахматшылар Румынияда өткен әлем чемпионатында 14, 16, 18 жас санаттары бойынша жүлделі орындарға ие болды. 14 жасқа дейінгі қыздар арасында Зарина Нұрғалиева алтын медальға ие болса, 18 жасқа дейінгі категорияда Қазыбек Нөгербек күміске қол жеткізді. 14 жасқа дейінгі ұлдар арасында Аңсат Алдияр қола жүлдегер атанды. Алуа Нұрманова 18 жасқа дейінгі қыздар арасындағы категорияда 5-орынға ие болды. 18 жасқа дейінгі қыздар арасында Лия Құрманғалиева 9-орынды еншіледі», – деп хабарлайды. Турнирге Қазақстаннан барлығы 21 шахматшы қатысты.
