Кеше ғана Ақтөбе облысы әкімі Оңдасын Оразалин азық-түлік бағасы қымбаттамағанын айтқан еді. Бірақ осыдан біраз күн бұрын ғана "Атамекен" кәсіпкерлер палатасы азық-түлік бағасын қолдан ұстап тұра алмайтындарын жеткізген. Ендеше әкімнің сөзі қаншалықты шындыққа жанасатынына фактчек жасап көрейік.
Өңірдегі азық-түлік қымбатшылығын жергілікті БАҚ өкілдері де бір апта бұрын ғана өз сюжеттерінде көрсетті. АқтөбеТв телеарнасында да бұл туралы жақында ғана жарияланып, бағаны негізсіз өсіріп отырған саудагерлерге айыппұл тағылып жатқаны шықты.
Сонда кімге сенеміз?
Әкімнің сөзі жартылай шындыққа жанаспайды. Яғни манипуляция.
Шенеуніктерге шындықты бұрмалау қаншалықты қажет? Былтыр Мәдениет министрі болған Ақтоты Райымқұлова журналистерге "Нартай" фильмі үшін бір тиын алмағанын айтты. Артынша министр фильмнің музыкасын жазып бергені үшін 3 млн 600 теңге қаламақы алғаны белгілі болған.
