Табаны құрғаған Кіші Талдыкөл құстарға мекен болмайды

Табаны құрғаған Кіші Талдыкөл құстарға мекен болмайды

Нұр-Сұлтан қаласында Кіші Талдыкөл мәселесі әлі де толық шешімін тапқан жоқ. Тұрғындардың қарсылығына қарамастан, әкімдік көлді көміп жатыр. Көлді жасанды жолмен құрғатқаннан кейін онда мекендейтін құстарды басқа жаққа жерсіндіру бойынша жұмыстар қарастырылуда. 

Орталық коммуникациялар қызметінде өткен брифингте журналистің «Нұр-Сұлтан тұрғындары №71 мектеп маңындағы көлді көміп тастағанда ондағы құстардың үйлерге қарай қашып, ақыры қырылып қалғанын айтады. Қазір әкімдік Кіші Талдыкөлді де көміп жатыр. Биыл Талдыкөлге қоқиқаздар келді. Бұдан бөлек үйрек пен аққудың, басқа да құстардың жүргенін көрдік. Көлді осылай көме берсе, ондағы жануарлардың жағдайына кім жауапты? Қырылса, обалы кімде? Осы мәселені шешу үшін қандай жұмыстар атқарылып жатыр?» деген сұрағына ҚР Экология, геология және табиғи ресурстар министрлігі, Орман шаруашылығы және жануарлар дүниесі комитеті төрағасының орынбасары Данияр Тұрғанбаев: «Қазіргі уақытта білікті мамандар, ботаниктер мен зоологтар, орнитологтар біздің мамандармен бірлесіп, осы мәселені жан-жақты қарастырып жатыр. Өйткені арасында жыл құстары бар. Ол құстардың келетін орнын ауыстырып, басқа жаққа жерсіндірейік деген ұсыныстар айтылып жатыр. Оның  бәрі зерттелуде. Нақты қорытындысы бойынша ақпаратты кейін береміз», – деп жауап берді.  Яғни мемлекет басшысы  Қасым-Жомарт Тоқаевтың  «еститін Үкімет» тұжырымдамасын пысқырмайтын шенеуніктер, халықтың жанайқайына  құлақ асар емес. 

Арқаға астана көшірілгелі бері, елорданың сол жағалауындағы тұмса табиғат адам қолымен аяусыз оталып, этнограф Жамбыл Артықбаевтың айтуынша, «Тоғанастың тоқсан екі» көлі суалып кетті. Сарыарқа төсінде шарасынан асып, еркін ағатын ерке Есіл мен Нұра өзендерінің арнасы тарылып, табиғи гидрожүйе бұзылды. Айдынында қалықтаған сан алуан құстардың, жыл құстарының мекенінен безіп, біржола жойылып кетуіне де әсері болғанын ешкім жасырып жаба алмайды. «Айтылмаса, сөз жетім» деп қанша айтылса да жетер жеріне жетпеген сөз де жетім болған заман...   

Тілекгүл ЕСДӘУЛЕТ
04.11.2021

Ұқсас жаңалықтар

АРЫСҚА ШЕТЕЛДІК ИНВЕСТОРЛАР КЕЛДІ
Түркістан облысы әкімінің баспасөз қызметі - 28.03.2024 58
ҚАЗАҚТЫҢ ЖАНЫ – ДОМБЫРА
Дәулетбек Байтұрсынұлы - 28.03.2024 107
ОТАНСЫЗ ЖЕТІМ, ДІНСІЗ БАҚЫТСЫЗСЫҢ
Нұрлан Байжігітұлы - 28.03.2024 34
АППАРАТТЫҚ КЕҢЕСТЕ
Шу ауданы әкімдігі - 28.03.2024 18

Топ жаңалықтар

1
Жасанды интеллект Президенттің ақыл-ой деңгейін тексерді
Show more
smi24.kz - 2024-03-18 335
2
Өркенді қала-қуатты өңірге жетелейді
Show more
Дахан Шөкшир - 2023-06-02 6437
3
Желтоқсан батырлары—саяси қуғын-сүргін құрбандарының бірі
Show more
Сұхбаттасқан Шаргүл Қасымханқызы - 2023-06-02 8050
4
Қарағандыда саяси қуғын-сүргін және ашаршылық құрбандарын еске алу күні өтті
Show more
- 2023-06-01 6518
5
Қарағандыда “Қасіретті КарЛаг” Республикалық жыр мүшәйрасы өтті
Show more
- 2023-05-31 6653