Аудан аумағында алғашқы боп “Луговой жылқы зауыты” ЖШС-і және “Береке” шаруа қожалықтарының еңбеккерлері көктемгі дала жұмыстарына қызу кірісіп кетті.
Жалпы ауданда көктемдегі дала жұмыстарын жүргізу барысында 57 100 га жаздық арпа, 1500 га жаздық бидай, 15 400 га мақсары, 800 га күнбағыс, 550 га қант қызылшасы, 320 га дәндік жүгері, 700 га картоп, 800 га көкөніс, 230 га бақша өнімдері, 5 га таңқурай, құлпынай дақылдары, 9200 га жоңышқа (оның ішінде: 3500 га жаңадан) себіліп, 8035 га пар айдалынатын болады. Барлық 146 140 гектар егістік алқап толық игеріледі деп күтілуде. Аталған көктемгі дала жұмыстарына 3575 тонна кепілдендіріліген жанар май бөлініп, 455 дана трактор, 162 дана соқалар, 171 дана дән сепкіштер, 17 дана тұқым дәрілегіштер, 1660 дана басқа да қосалқы агрегаттар қатысатын болады.
