2021-2025 жылдарға бағытталған «Қуатты өңірлер – ел дамуының драйвері» ұлттық жобасы Нұр-Сұлтан қаласында қарқынды дамып келеді. Жоба мақсаты – базалық қызметтерге азаматтардың қолжетімділігін арттыру, тұрғын үй құрылысын дамыту, тұрғын үй коммуналдық жағдайын жақсарту және көліктік байланысты қамтамасыз ету.
Индустрия және инфрақұрылымдық даму министрі Қайырбек Өскенбаев: 5 айдың қорытындысы бойынша тұрғын үйді пайдалануға беру көлемі 103,4%-ға және тұрғын үй құрылысына инвестициялар 122,8%-ға орындалды. Алайда Маңғыстау, Павлодар және Солтүстік Қазақстан облыстарында өткен жылмен салыстырғанда тұрғын үйді пайдалануға беру көрсеткішінің төмендегені байқалды. Аталған облыстарда әкімдіктердің тұрғын үй нысандарындағы құрылыс жұмыстарын жандандыруы қажеттігін атап өтті.
2022 жылы елімізде 15,1 млн шаршы метр немесе 138 мың тұрғын үй салу жоспарланып отыр. Өңірлерде кезекте тұрғандар үшін «Отбасы банкінің» несиелік бағдарламалары арқылы сатылатын 9,8 мың пәтер салынып жатыр. Сондай-ақ, «Бақытты отбасы» бағдарламасы бойынша кезекте тұрған 5 мыңнан астам адам мен жеке тұрғын үй қорынан баспананы жалға алғаны үшін тұрғын үй төлемдерін субсидиялаумен кезекте тұрған 70 мыңға жуық адамды қамтуды жоспарлап отыр. Бүгінде 25 мыңнан астам өтінім қабылданып, олардың 6 мыңға жуығы мақұлданды.
«Мемлекет басшысының тапсырмасы бойынша жеке тұрғын үй қорының жалдау ақысын субсидиялау тетігі іске асырылуда. Бүгінде «Отбасы банк» 6 мыңнан астам өтінімді мақұлдады», – деді «Бәйтерек» ҰБХ» АҚ басқарма төрағасы Қанат Шарлапаев. Өтінім беру процесі автоматтандырылған, otbasybank.kz платформасында бағдарлама талаптарына сәйкес келетін кез келген қазақстандық ЭЦҚ арқылы субсидиялауға өтінім бере алады.
