Тұрғындарға арналған мәдени іс-шараларды көбейту керек

Тұрғындарға арналған мәдени іс-шараларды көбейту керек
Тараз қаласының әкімі Бақытжан Орынбековтің қатысуымен өткен аппараттық кеңесте келелі мәселелер қаралды. Әуелі Тараз қаласы әкімдігі қаржы бөлімінің басшысы Жеңіс Пәрімбеков шаһар бюджетінің 2023 жылғы қаңтар-наурыз айларының қорытындысымен болжамды орындалуы туралы баяндады. Келесі кезекте Тараз қаласы әкімдігінің экономика және бюджеттік жоспарлау бөлімі Жандос Ордабаев мемлекеттік сатып алу рәсімдерінің өту барысына кеңінен тоқталды.
🔷Бақытжан Әмірбекұлы өз кезегінде қазына қаржысын игеру мен мемлекеттік сатып алуда заң бұзушылыққа жол бермей, жүйелі жұмыс жүргізу керектігін баса ескертті.
Сондай-ақ шаһар басшысы тұрғындардың бос уақытын тиімді өткізу мақсатында мәдени іс-шараларды көбейту керектігін де айрықша атап өтті.
– Қаламызда көрікті саябақтар өте көп. Қазір күн жылығандықтан онда ағылған халықтың да қарасы қалың. Алайда, оларды қызықтыратын бірде-бір іс-шара ұйымдастырылып жатқан жоқ. Мәдени-көпшілік шараларды тек мереке күндері ғана ұйымдастыру шарт емес. Сенбі, жексенбі күндері де жұртшылық көп жиналатын орындарда осындай шараларды өткізген жөн. Сондықтан кешенді жоспар әзірлеуді тиісті бөлім басшыларына тапсырамын, – деді қала әкімі.
🔷Аппараттық кеңесте абаттандыру, санитарлық тазалық және көріктендіру бойынша көктемгі екі айлық, әлеуметтік маңызы бар азық-түлік тауарларының бағасын тұрақтандыру, қоғамдық-саяси ахуал, жұмыспен қамту және әлеуметтік бағдарламалар, тұрғын үй қорын жаңғырту сынды мәселелер де назардан тыс қалмады.
📌Сонымен қатар жиын барысында Наурыз мерекесін жоғары деңгейде ұйымдастырған бірқатар аумақтық округтердің инспекторлары қала әкімінің Алғыс хатына ие болды.
Тараз қаласының әкімдігі
28.03.2023

Ұқсас жаңалықтар

Топ жаңалықтар

1
Жасанды интеллект Президенттің ақыл-ой деңгейін тексерді
Show more
smi24.kz - 2024-03-18 352
2
Өркенді қала-қуатты өңірге жетелейді
Show more
Дахан Шөкшир - 2023-06-02 6457
3
Желтоқсан батырлары—саяси қуғын-сүргін құрбандарының бірі
Show more
Сұхбаттасқан Шаргүл Қасымханқызы - 2023-06-02 8166
4
Қарағандыда саяси қуғын-сүргін және ашаршылық құрбандарын еске алу күні өтті
Show more
- 2023-06-01 6537
5
Қарағандыда “Қасіретті КарЛаг” Республикалық жыр мүшәйрасы өтті
Show more
- 2023-05-31 6673