Түркістан облыстық су спорты түрлерінен олимпиада резервінің мамандандырылған балалар-жасөспірімдер спорт мектебі 2024 жылдың үздік спорт мектебі болып танылды.
Осы орайда облыс әкімі облыстық су спорты түрлерінен олимпиада резервінің мамандандырылған балалар-жасөспірімдер спорт мектебінің директорын арнайы марапаттады.
Аталған спорт мектебінде байдарка және каноэ, ескек есу, желкенді спорт, жүзу, триатлон, параканоэ спорт түрлері дамытылады. Мұнда олимпиадалық 5 спорт түрі мен паралимпиадалық 1 спорт түрі бойынша шәкірттер дайындалады.
Жыл қорытындысы бойынша аталған спорт мектебінің спортшылары жақсы нәтиже көрсетіп, республикалық және халықаралық жарыстардан алған медальдары бойынша рекорд орнатты. Биыл шәкірттері 493 медальға қол жеткізді. Оның ішінде 189 алтын, 173 күміс және 131 қола медаль бар.
2024 жылы Париж Олимпиадасына – 1 Паралимпиаданың 20 лицензиясын жеңіп алды.
Спорт мектебінде биыл 2 халықаралық дәрежедегі спорт шебері, 10 Қазақстан Республикасының спорт шебері, 12 Қазақстан Республикасының спорт шеберлігіне үміткер спортшылар дайындалған.
