Сайрам ауданында бұдан бір ай бұрын басталған жасөспірімдер арасындағы «DosbolLike» спорттық спартакиадасы өз мәресіне жетті.
Кіші футболдан өткен сайысқа ауылдық округ мектептерінің оқушылары қатысты.
Салауатты өмір салтын қалыптастыру, бос уақытты тиімді пайдалану және достық қарым-қатынасты нығайтуды көздеген командалардың сайысы өте қызықты болды.
Спартакиада нәтижесінде 1-орынды – Ақбай, 2-орынды – Көмешбұлақ, 3-орынды Ә.Бөкейхан атындағы жалпы орта мектептерінің оқушылары иемденді. Жеңіс тұғырынан көрінген жасөспірімдер мен жаттықтырушылар мақтау қағаздар, медальдар және кубоктармен марапатталды.
