Үкіметтік емес ұйымдар Президент Жолдауын талқылады

Үкіметтік емес ұйымдар Президент   Жолдауын талқылады

Елордалық Азаматтық бастамалар орталығында Мемлекет басшысының Қазақстан халқына Жолдауын талқылау үшін қаланың үкіметтік емес ұйымдарының өкілдері жиналды. Сондай-ақ аталмыш іс-шараға азаматтық қоғам өкілдері,  мемлекеттік органдардың қызметкерлері де қатысты.

Жиында сөз алған қалалық Ішкі саясат басқармасының басшысы Дәурен Бабамұратов Президент Жолдауы қоғамның маңызды проблемаларын шешуге бағытталған іс-шаралар кешені екенін айта келе: «Студенттерге жылдық 2-3 пайызбен білім несиесін алуға мүмкіндік беріледі. Бұрын мемлекет оқу үшін қаражат бөлетін. Грантқа түспеген студенттер ақылы оқыды, оқуын аяқтағаннан кейін болашақ жұмысы есебінен мемлекет алдындағы қарызын төледі. Қазір студенттер үшін жағдай одан да жақсы», – деді Дәурен Бабамұратов. Оның айтуынша, Президенттің бала күтімі бойынша төлем мерзімін 1,5 жасқа дейін арттыру, әйелдердің зейнеткерлік жасын 2028 жылға дейін 61 жасқа дейін сақтау жөніндегі тапсырмасы халық арасында оң шешімін тауыпты. Әсіресе, бизнесті жүргізу үшін 2%-бен несие берілетіні қуантады. Бұл астаналық жастар үшін өте жақсы демеу.

«Қазір Президент Жолдауын талқылағанда, оны мемлекет дамуының трендінен көріп отырмыз. Қазіргі жастар елімізде демографиялық жағдай қарқын алған 2004-2005 жылдары дүниеге келген. Олар жақын арада жоғары оқу орындарын бітіріп, еңбек нарығына шығады. Президент Жолдауда келесі жылы жастар үшін 100 мың қосымша жұмыс орны пайда болатынын мәлімдеді», – деп сөзін қорытындылады Дәурен Бабамұратов.

«Камеда» қоғамдық қорының басшысы, «Қазақстанның Азаматтық альянсының» ресми өкілі Махаббат Еспенова мемлекетпен бірлесіп қоғамдық маңызы бар жобаларды іске асыру үлкен міндет екеніне екпін берді. Атап айтқанда, ол азаматтық бастамалар орталығының қызметін жоғары бағалайтынын жасырмады. «Бұл азаматтық қоғам институттары мен мемлекетте болып жатқан оқиғаларға бей-жай қарамайтын белсенділер үшін көп салалы сервистік қызмет. Егер олар қандай да бір проблеманы шешуді жоспарласа, мақсатымыз – оларды іске асыруға көмектесу. Сонымен қатар, бұл азаматтық қоғам институттары мен мемлекеттік органдар арасындағы өзара іс-қимылды құру жөніндегі диалог алаңы. Президент өз Жолдауында билік пен қоғам арасындағы тиімді диалогтың қажеттілігін атап өтті. Бұл тұрғыда қоғамдық ұйымдардың рөлі арта түсуде», – деді Махаббат Еспенова.

«Қазақстан әйелдері» қауымдастығының президенті Гүлнар Байымбетова Президент Жолдауы мемлекетіміздің дамуындағы жаңа кезең екеніне ерекше тоқталды. «Менің ойымша, азаматтық қоғам елдің ең өткір және шұғыл проблемаларын шешуге белсенді араласуы керек. Президент Жолдауында проблемалық тұстарды қамту ауқымдылығы ерекше ұнады», – деді ол.

Осылайша жиналғандар ел Президентінің Жолдауындағы жарқын тұстарды сөз етіп, ел игілігі үшін жасалып жатқан игі істерді қолдауға әркез дайын екендіктерін білдірді. 

 

Нағашыбай ҚАБЫЛБЕК
16.09.2022

Ұқсас жаңалықтар

ТҮРКІСТАН: «ЭКОБАЗАРДАҒЫ» ЖӘРМЕҢКЕДЕ АЗЫҚ-ТҮЛІК АРЗАН БАҒАДА САТЫЛЫП ЖАТЫР
Түркістан облысы әкімінің баспасөз қызметі - 27.09.2022 16
ТӘРБИЕШІЛЕРДІҢ ЖАЛАҚЫСЫН КӨБЕЙТУ ЖӘНЕ ЖҮКТЕМЕСІН АЗАЙТУ БОЙЫНША ШАРАЛАР ҚАБЫЛДАНЫП ЖАТЫР
Қазақстан Республикасы Президенті жанындағы Орталық коммуникациялар қызметі - 27.09.2022 14
ТҮРКІСТАНДА «МЕЙІРІМДІ ЖҮРЕК» ҚАЙЫРЫМДЫЛЫҚ АКЦИЯСЫ ҰЙЫМДАСТЫРЫЛДЫ
Түркістан облысының Өңірлік коммуникациялар қызметі - 27.09.2022 12
ҚЫЗЫЛОРДАДА «ТАРИХИ ТҮРКІСТАН» КӨШПЕЛІ КӨРМЕСІ ӨТІП ЖАТЫР
Түркістан облысы әкімінің баспасөз қызметі - 27.09.2022 12
«ЖАЙЛЫ МЕКТЕП» ҰЛТТЫҚ ЖОБАСЫ АЯСЫНДА 2023-2025 ЖЫЛДАРЫ 800 МЫҢНАН АСТАМ ОҚУШЫ ОРНЫ АШЫЛАДЫ
Қазақстан Республикасы Президенті жанындағы Орталық коммуникациялар қызметі - 27.09.2022 11
Күн тәртібінде келелі мәселелер қаралды
Сарысу аудан әкімдігі баспасөз қызметі - 27.09.2022 11
Жолдауды талдау һәм президенттік сайлау туралы толғау
Сәуле МЕШІТБАЙҚЫЗЫ, ҚР Еңбек сіңірген қайраткері - 08.09.2022 736

Топ жаңалықтар

1
Ақтөбелік жастар жаппай сенбілікке шықты
Show more
Ақтөбе облысының баспасөз қызметі - 2022-09-25 185
2
Қобда ауданының 850-ден астам тұрғыны «Ауыл аманаты» жобасына қатысады
Show more
Ақтөбе облысы әкімінің баспасөз қызметі - 2022-09-25 190
3
Ойылдықтар Ұлы Жібек жолының бойында «Көкжар» жәрмеңкесінің 155 жылдығын атап өтті
Show more
Ақтөбе облысы әкімінің баспасөз қызметі - 2022-09-25 179
4
Ақтөбелік команда «Ұлы Дала Жорығы» марафон-бәйгесінде үшінші кезеңнің нәтижесі бойынша көш басындағы үштікке кірді
Show more
Ақтөбе облысының баспасөз қызметі - 2022-09-24 231
5
Ертең Заречный тұрғын алабындағы Елек өзені үстінен өтетін көпір ашылады
Show more
Ақтөбе облысының баспасөз қызметі - 2022-09-24 198