Қазақ спорт және туризм академиясының 80 жылдығына орай «Бокс, ауыр атлетика, шығыс жекпе-жегі және Ұлттық Bel-bilek Combat жекпе-жегінің мәселелері мен даму перспективалары» Халықаралық ғылыми-практикалық конференциясы және барлық стильдік каратэ және «Bel-bilek Combat» ұлттық жекпе-жек Халықаралық фестивалі өткізілді.
Бұл іс-шараға Алматы облысы бойынша «Halyk» Қайырымдылық Қоры, Барлықстильдік каратэ федерациясы, «Сарбаз» әскери-патриоттық клубы, Қазақстанның Жауынгерлік Өнер Ассоциациясы қолдау көрсетті.
Бағдарламада дәрістер, бокстан және шығыс жекпе-жегінен қойылымдар және шеберлік сыныптары ұсынылды.
Бұл іс-шаралардың маңыздылығын Қазақстан, АҚШ, Болгария, Жапония, Корея, Қытай, Ресей, Украина, Өзбекстан, Қырғызстан, Тәжікстан, Моңғолия, Әзірбайжан, Латвия, Беларуссия, Иран, Оңтүстік Корея жоғары оқу орындарының профессор-оқытушылар құрамының өкілдерімен тағы басқа шебер-практиктер растады.
