«Екі жылдан бері халықтың онсыз да сіркесі су көтермей жүрген кезде, осындай ұлтбұзар, ұрпақ тоқтатар, сананы сындырар ұйымдардың бас көтеріп, кеңінен тарап, тамырын тереңдетіп жатқаны уайымның үстіне уайым болып отыр. Биылғы шерудегі басты ұрандары – мемлекетті әйел басқару керек екендігі. Өздері соны меңзеп отырғандай. Бәрін айт та, бірін айт, ұрпақтың болашағына балта шабар ұйымдарға жол жоқ! Халық болып күреспесек, жалғыздың шаңы шықпайды», – деді белсенді. Сондай-ақ Бағила Балтабаева бейбіт шеруге рұқсат алғанын да айтып өтті:
«Әкімшіліктен рұқсат алдық. Митинг 12 наурыз күні, Алматы қаласы, Ш.Уәлиханов атындағы гүлзарда 10:00-20:00 аралығында болады. Дәстүрді сақтап қалғысы келген әр ата-ана осы шеруге келіп, өз үндеуін айтуға міндетті! Осы кезде үндемей қалсақ, әрекет жасамасақ, аз жылдан соң үйдегі ұл-қыз, немере «мен біржыныстымын» деп тұрса, еш таңғалудың қажеті жоқ!» – деді Бағила Балтабаева.
Былтыр да бұл митинг өткен болатын. Ұлттық мүддеге үлкен қауіп төндіріп отырғандықтан, әрбір қазақ осы бейбіт шеруге келіп өз пікірін білдіреді деп сенеміз.
