Хоккей: Қыздарымыз әлемдік додада топ жарды

Қазақстан қыздар құрамасы хоккейден жасөспірімдер арасындағы әлем чемпионатында жеңіске жетті.  Чемпионат Болгарияның София қаласында өтті. Қазақстандық хоккейшілер бес матчтың бесеуінде де жеңіске жетіп, турнир қорытындысы бойынша 15 ұпаймен екінші дивизионның А тобына шықты. Олар Болгарияны (8:1), Жаңа Зеландияны (7:1), Бельгияны (5:3), Эстонияны (8:0) және  Исландия құрамасын 7-0 есебімен ұтты.  Еліміздің Мәдениет және спорт министрі хоккейден қыздар құрамасын әлем чемпионатындағы жеңісімен құттықтады.