Жамбыл индустриалды-технологиялық колледжін 6 мамандық бойынша 147 студент аяқтады. Оның ішінде 122 cтудентке біліктілік санаттары беріліп, студенттер «Модульдік оқыту» жүйесінің нәтижесінде екі біліктілік санаттарын алды. Мысалы: наубайшы-кондитер, автомобиль жөндеу слесарі – автоэлектрик.
![📌](https://static.xx.fbcdn.net/images/emoji.php/v9/tac/1/16/1f4cc.png)
Колледжді бітірген 38 түлек Отан алдындағы парызын өтеуге әскер қатарына қабылданса, 12 түлек жоғарғы оқу орындарында білімдерін одан әрі жалғастырмақ.
![✅](https://static.xx.fbcdn.net/images/emoji.php/v9/t33/1/16/2705.png)
Қалған 97 түлектің 22-і яғни 23%-ы диплом алу рәсімінде 14 компанияға жұмысқа қабылданды.
![🖇️](https://static.xx.fbcdn.net/images/emoji.php/v9/tc/1/16/1f587.png)
Жұмысқа қабылданған студенттер білім алу барысында «Дуальды оқыту» және «Мақсатты білім беру гранттары» негізінде кәсіпорындар базасында өндірістік тәжірибеден өтіп, өңірдегі жұмысшы мамандықтарға деген қажеттіліктерді қанағаттандырып отыр. Атап көрсетер болсақ: «Энерджи-Тараз», «Taraz in Trade», «ArtMetal», «Карпаты», «ABAYAS», «AUTO-CITY», «Десерт», «КЭМА», «Жан-Ай», «Нұрса», «Курманбеков», «Белоусова», «Канибетов», «Дуйсеналиев» компаниялары.
![✅](https://static.xx.fbcdn.net/images/emoji.php/v9/t33/1/16/2705.png)
Колледж басшылығының мәліметіне сәйкес бітіруші түлектерді жұмысқа орналастыру шаралары үздіксіз жыл бойы жүргізілетін болады, жыл соңына дейін бұл көрсеткішті 90%-ға жеткізу көзделген. Былтырғы жылы бітірген түлектердің 89,6% -ы тұрақты жұмыстармен қамтылған.
![🖇️](https://static.xx.fbcdn.net/images/emoji.php/v9/tc/1/16/1f587.png)
Іс-шара барасында колледждің «Үздік педагог», «Үздік шебер», «Үздік студент» анықталып, марапатталды.
Жамбыл облысының білім басқармасы
25.06.2024