Зардап шеккен кәсіпкерлерге 3,7 млрд теңге қаржы төленді

     Алматы қаласы әкімдігі баспасөз қызметі: «Алматыда зардап шеккен кәсіпкерлерге 3,7 млрд теңге қаржы төленді.  Шағын және орта бизнес субъектілеріне мүліктік залалды анықтау жөніндегі аймақтық комиссия отырысында кәсіпкерлердің жалпы сомасы 633,6 млн теңгеге 119 өтінімі мақұлданды. Оның ішінде 520,3 млн теңге сомаға 60 өтінім бюджет қаражаты есебінен, 113,3 млн теңгеге 59 өтінім «Жаңа Алатау» қайырымдылық қорының қаржысынан төленді. Алматы қаласы бойынша (комиссия жұмысы басталғаннан бері) барлық кезеңде 3 774,1 млн теңге сомаға 1009 өтінім, оның ішінде бюджет қаражатынан 2 796,2 млн теңге сомаға 519 өтінім, «Жаңа Алатау» қорының қаражысынан 977,9 млн теңге сомаға 490 өтінім мақұлданды»,— деп хабарлады.   Зардап шеккен шағын және орта бизнес субъектілерінен өтініштері InfoKazakhstan сайтына келіп түседі. Бүгінде Алматыда зардап шеккен 1413 ШОБ субъектісі анықталды.