22 маусым күні таңға жақын Ауғанстанның шығыс оңтүстігінде 6.1 балл мөлшерінде жер сілкінісі болды. Ақпарат көздері қазірге дейін 1000-нан астам адам қаза тауып, 1500-ден артық адам жараланғандығын айтып жатыр. Аймақтан жеткен кейбір хабарларда қайтыс болғандардың саны 2500-ден артық деген хабарлар бар.Өкінішке қарай бұл сан әлі де өсе түсуі мүмкін дейді басылымдар.
Талибандарың Төтенше жағдайлар министрлігінің вице –министрі Маудауй Шарафуддин Мүслим 23 маусымда Кабулда тілшілерге сұхбат берген кезінде апаттың Пәкістанмен шекаралас жатқан Пахдика және Қост өңірлерінде ауыр болғандығын айтыпты. Сілкіністі Кабулдағылар да сезген.
БҰҰ-ның бас хатшысы Антониу Гутерреш мәлімдеме жариялап Ауғанстан халқына көңіл айтты. Әрі халықаралық қауымдастықты Ауғанстанға гуманитарлық көмек беруге үндеді.
