2028 жылғы Еуропа чемпионаты қайда өтеді?

     Daily Mail: «Футболдан 2028 жылғы Еуропа чемпионатын Ұлыбритания мен Ирландия елдері қабылдайды»,  – деп жазады. Бұған дейін осы екі ел Еуропа біріншілігін бірге қабылдауға өтініш берген болатын.  Ал Түркия өз кандидатурасынан бас тартқан-ды. Себебі бұл ел 2016 және 2024 жылғы Еуропа біріншілігін қабылдауға ұсыныс берген кезде сәтсіздікке ұшыраған. Ресейдің аталған турнирді өткізу мүмкіндігі тым төмен.  Осылайша, Ұлыбритания мен Ирландия Еуро-2028 турнирін ешқандай бәсекелессіз қабылдауға мүмкіндік алды. Негізі құжат жүзінде турнирді өткізетін ел 2023 жылдың қыркүйегінде анықталады. Бірақ дереккөз мәліметі бойынша, Ұлыбритания мен Ирландия барлық техникалық талаптарға сай болса, чемпионатты қабылдайтындарын мерзімінен  бұрын хабарлау мүмкіндігіне ие.