А.Данилина үздіктер қатарында

Қазақстандық теннисші Анна Данилина жұптық сында Аустралия ашық чемпионатының финалында жеңіліп қалды. Ол бразилиялық Беатрис Хаддад Майямен бірге финалда әлемнің жұптық сындағы бірінші ракеткалары, чехиялықтар Барбора Крейчикова – Катерина Синяковамен шеберлік байқаған еді. Бұл кездесудің фавориттері бұған дейін екі мәрте Ролан Гаррос, бір рет Уимблдон жарысының чемпионы атанып, өткен жылы Токио Олимпиадасы мен WTA қорытынды турнирінде үздік шыққан чехиялық жұп еді. Биылдан бастап бірге ойнай бастаған Данилина мен Майя осыған дейін Сидней WTA 500 додасында жеңімпаз атанды. Қазақстандықтар арасында алғашқы болып Аустралия біріншілігінің финалына дейін жеткен А.Данилина алдағы дүйсенбіде жаңартылатын әлемдік рейтингіде жұптық сында үздік 25 теннисшінің қатарына кіреді.