Әлеуметтік желі желіктіргендер қоғамға қауіпті!

Әлеуметтік желі желіктіргендер қоғамға қауіпті!

Себебі әлеуметтік желі ақпарат ағынына толып тұр. Біреу мақтағанда, екінші біреудің түкке тұрғысыз қылып тастауы мүмкін. Имандай сенген тұлғаңды, бәле қуған бір пәтшағар шайтанға жолдас қылып шықса таңқалма! Міне, демократияның жарқын үлгісі саған! Елбасыны мақтап, Тоқаевты жақтап отырған жоқпын. Олар да пенде. Жақсы мен жайсаңды, асыл мен жасықты келер ұрпақ нақтылай жатар. Айтайын дегенім, әлеуметтік желіде Назарбаевты тілдеп, жақындарын жүндеп, дүние-мүлкін күндеп жатқандар қаншама. Тіпті күнара Назарбаевты өлтіріп, болмаса, ауырып жатыр деп сендіріп жатқан ағайынға не шара? Бұдан асқан сорақылық, бұдан асқан тексіздік болар ма! Олардың жазған жабасына лайк басып, қолдап комментарий жазатындарға не дейміз? Міне, саған бүгінгі күннің бет-бейнесі! Қалай десек те, Елбасының еңбегі бар. Оны жоққа шығаруға болмайды. Қателесіп, қажып жатса ар алдында өзі жауап береді. Жұмырбасты пенде болғасын кемшіліктен ада болуы тіпті де мүмкін емес қой…

Елбасыға сын айтатындар, бір отбасыға ие бола алмай жүріп әлеуметтік желінің батыры атануда. Тіпті ас үйіндегі пышағын қайрай алмай жүргендер, ақыл айтқыш болып алды? Ел басқару оңай іс емес, ел басқару деген – алмас кездіктің жүзінде отырумен пара-пар. Ағайындар, біз қуанудан қалдық, жақсы болыпты деп тілектес болудан жерідік. Мұның арты ешқашан жақсылыққа апармайды адамды.

Әбіш Кекілбаев ағамның «Бағалай білмегенге бақ қонбайды, қуана білмегенге құт қонбайды» дегені шындық.

Кейінгі кезде әлеуметтік желінің қаһармандары көбейіп кетті. Қарап отырсақ, бүкіл құндылықтан ада болып бара жатырмыз. Қу тамақ үшін қулыққа барып, ақша үшін арын сатуға бар жастар қайдан өніп шықты? Тәуелсіздіктің 30 жылында жеткен жетістік осы ма?

Әжептәуір мақала жазатын журналистердің кейбірі әлеуметтік желіні қару етіп (тышқаншылап жүргенін көргенде) жүрегің ауырады. Халықтың тұрмысы мен тіршілігін көтеруге күш салып, әділетсіздікке араша болып, турасын айтып, туғанына жақпай жүруге тиіс тілшілердің күйкентай тірліктері де кейде көрініс беріп қалатыны жанға батады.

Қоғам ба, азған адам ба?…

(Жалғасы бар)

Сәуле МЕШІТБАЙҚЫЗЫ
08.07.2021

Ұқсас жаңалықтар

Баянды бастамалар жылы – Берік Уәлимен сұхбат
Автор Гүлнұр Ғазизқызы, «ҚазАқпарат» Халықаралық ақпарат агенттігі - 28.12.2023 1023
ШЫМКЕНТТЕ 3 ЖЫЛДА 472 КӨШЕ ЖАРЫҚТАНДЫРЫЛДЫ
Шымкент қаласы әкімінің баспасөз қызметі - 25.07.2023 2898

Топ жаңалықтар

1
Желтоқсан батырлары—саяси қуғын-сүргін құрбандарының бірі
Show more
Сұхбаттасқан Шаргүл Қасымханқызы - 2023-06-02 6373
2
Өркенді қала-қуатты өңірге жетелейді
Show more
Дахан Шөкшир - 2023-06-02 5701
3
Оразай би ҚОЖАГЕЛДІҰЛЫ. Әшімжанның әкесі.
Show more
Жанарбек Әшімжан ФБ парақшасынан - 2023-06-01 5941
4
Қарағандыда саяси қуғын-сүргін және ашаршылық құрбандарын еске алу күні өтті
Show more
- 2023-06-01 5786
5
Өміріңді сақтандыр, өкінбейсің!
Show more
Тілеуберді САХАБА, Павлодар облысы - 2023-05-31 5669