Әзербайжан президенті Ильхам Әлиев Армения оккупациясынан азат етілген Қарабахтың Сукавушан ауданында Наурыз отын жақты. Бұл туралы Түркияның «https://www.trt.net.tr» арнасы хабарлады.
Ильхам Әлиев жұбайы Михрибан Әлиевамен бірге Наурыз отын жаққаннан кейін ұлтқа үн қатты.
Тарихи жеңістің артынан екінші рет Қарабахта Наурызды тойлағандарын білдірген Әлиев 2020 жылы соғысып, қан төгіп, шейіт беріп жерді армян оккупациясынан азат еткендерін айтты.
Ол азат етілген жерлерде ауқымды жұмыс бастап кеткендерін, негізгі жұмыстың ел-жұртынан көшкен азаматтардың тез арада еліне оралуын қамдау екенін атап көрсетті. Ол Әзербайжанның мықты екенін айтып: «Біз Қарабахқа оралдық және Шығыс Зенгезурға мәңгі қайтып келді. Осында мәңгі өмір сүреміз» деді. «Құрметті халқыма Наурыз құттықтауын оккупациядан азат етілген Қарабахтан жеткізгеніме қуаныштымын. Бұдан былай де Әзербайжанның жылдам дамуы үшін қолымнан келгеннің ең жақсысын істеуді жалғастырамын. Қарабах – Әзербайжандікі» деді ол.
