Арубаев: Уәде берген едіңіз, біз сенген едік

Арубаев: Уәде берген едіңіз, біз сенген едік

Бүгін аудан әкімі Сәкен Арубаев @saken.kalanuly оқу жылының басталуына орай білім ордаларының жай-күйін көрді. 

Ауданда биыл 6 орта мектеп күрделі жөндеуден өткізілуде. Олардың құрылыс жұмысына 590 миллион теңге бөлінген. Оның 4-еуіне «Ауыл – ел бесігі» жобасы аясында 309 млн теңге, 2-еуіне облыстық бюджеттен 281 млн теңге қарастырылған. 
Бұдан бөлек 12 мектепке ағымды жөндеу жұмыстарын жүргізу үшін 113 млн 438 мың теңге аударылған.

Аудан басшысы Өрнек ауылындағы Б.Тайшапұлы атындағы орта мектептің күрделі жөндеу жұмыстармен танысты.

 Жамбыл облысы әкімдігі білім басқармасының аудандық білім бөлімінің инженер-құрылысшысы Бақытжан Шабанбаевтың
айтуынша, құрылыс жұмыстарын «ЖанатасҚұрылысСервис» жауапкершілігі шектеулі серіктестігі қолға алғанын, оған қазынадан 143 млн 321 мың теңге бөлінгенін, бұл қаражатқа мектептің шатыры, электр желілері, еден ағаштары, есіктері жаңасына ауыстырылып, ішкі бөлмелері толықтай әрлеу жұмыстарынан өтетінін, жұмысқа жергілікті 35 азамат тартылғанын айтты.

1960 жылы пайдалануға берілген білім ошағы 620 оқушыға шақталған. Оның жанында жеке ғимараттағы «Мейірім» шағын орталығы мектепке дейінгі 50 баланы қабылдай алады. Мектеп директоры Рина Жұмаділова: 
 – 6 педагог 491 оқушының зейінін ашуда. Жалпы мектепте кабинеттер саны 23, сондай-ақ спорт зал, мультимедиялық сынып, кітапхана, оқу шеберханалары бар. Ауыл маңындағы Жұма стансасының 30-ға жуық оқушылары тасымалданып оқытылады. Әжетханасы мектеп ішінде орналасқан. Бірақ құрылыс тым баяу жүруде. Мердігер өкіліне көмек көрсетуді ұсынсақ, қабыл алмай отыр, – деді.

Расымен, тоқталып кететін жайтар баршылық. Мектеп аяқталуы мерзімінен әжептеуір қалып келеді. Ғимаратта жұмыс істеп жүрген адамдар қатары аз. Мұны аралау барысында аңғарған аудан әкімі Сәкен Арубаев:
 – Алғаш құрылыс басталған кезде құрылысты тамыз айының ортасында аяқтаймыз деп уәде берген едіңіз. Мен сол сөзіңізге сенген едім. Бірақ сенімге селкеу ұялату бүгінгі күнің қалыпты жағдайына айналған секілді. Жұмысшылар санын көбейту керек. Алғашқы қоңырауға дейін құрылыс жұмыстарын толықтай аяқтаңыз. Жуық күндері қайта тексеретін боламын, – деп тапсырма берді.

Ақжігіт Жетпісбай
18.08.2021

Ұқсас жаңалықтар

Аудан әкімі тұрғындарды қабылдады
Қордай ауданының әкімдігі - 18.08.2022 12
Халықтың талап-тілегі ескерусіз қалмайды
Жуалы ауданының әкімі Жалғас Мұртаза Әлижанұлы - 18.08.2022 34
Жамбылда биыл 22 890 оқушы 1-сыныпқа барады
Тараз Жиырма Төрт - 18.08.2022 11
Шерхан және Мұсатай
Доқтырхан Тұрлыбек, жазушы, Халықаралық «Алаш» әдеби сыйлығының лауреаты - 17.08.2022 158
Әбілқайыр хан және Күсеп батыр
Самат ӨТЕНИЯЗОВ, Әл-Фараби атындағы ҚазҰУ, т.ғ.к. - 11.08.2022 312
Сіз қандай қариясыз?
Мақұлбек МАЛДАРБЕКОВ, Қазақстанның құрметті журналисі - 11.08.2022 324

Топ жаңалықтар

1
Руслан Жақсылықов Мәскеуге барды
Show more
Ермек САХАРИЕВ - 2022-08-18 65
2
Әсерлі саяхат
Show more
Ләззат ҚАЖЫМОВА БҚО Орал қаласы - 2022-08-18 46
3
Орталық Азиядағы ең үлкен мешіт Нұр-Сұлтанда
Show more
Ермек САХАРИЕВ - 2022-08-18 67
4
Қазақстан Еурокубоксыз қалды
Show more
Рауан Мутаир - 2022-08-17 149
5
Қазақстан мен Мысыр ынтымақтастығы
Show more
Ермек Сахариев - 2022-08-17 140