Астаналықтардың 33,08%-ы спортпен айналысады

Астаналықтардың 33,08%-ы спортпен айналысады

Мемлекет басшысы Қасым-Жомарт Тоқаевтың тапсырмасына сәйкес елордада бұқаралық спортты дамыту бойынша көптеген жұмыс атқарылып жатыр. Былтыр елордада алғаш рет бокс, көркем гимнастика, жекпе-жек өнері орталықтары, жекпе-жек залы ашылып, онда қалалық құрама мен спорт мектептері өз жаттығуларын тегін жасауға мүмкіндік алды. Сонымен қатар қала тұрғындарына арналған екі дене шынықтыру-сауықтыру кешені пайдалануға берілді. Көктал-2 және Өндіріс елді мекендерінде бой көтерген бұл спорт кешендерінде халық қолжетімді дене шынықтыру сабақтарымен шұғылдана алады. Онда 10 спорт түрі бойынша мыңға жуық бала жаттығады. Мұндай кешеннің құрылысы тағы екі елді мекенде салынып жатыр. «Толқын» спорт кешені мен «Жастар» сарайында жөндеу жұмысы жүріп жатыр.

Астана қаласының дене шынықтыру және спорт басқармасының басшысы Самат Жылқыбаевтың мәлімдеуінше, бүгінде елорда тұрғындарының 33,08%-ы дене шынықтырумен және спортпен жүйелі түрде айналысады. Олардың саны 406 мыңнан астам адамға жетті. 2025 жылға дейін бұл көрсеткішті 35%-ға дейін арттыру жоспарланып отыр. «Бұқаралық спортты қаржыландыру 3 есеге артты. Қ. Мұнайтпасов атындағы футбол стадионы мен «Қазақстан» спорт сарайын қайта құру және жаңғырту жұмысы жүргізілуде. Жоспар бойынша аяқталу мерзімі – 2024 жыл. Бұдан басқа 2022 жылы қалада мамандандырылған спорттық медициналық орталық және «Арғымақ» ат-сауықтыру кешені ашылды. Спорттық медициналық орталық спорт медицинасын, оңалту және қалпына келтіру саласындағы ең заманауи жабдықтармен жабдықталған. Түрлі деңгейдегі жарыстарға, оқу-жаттығу процесіне медициналық сүйемелдеуді жүзеге асырады. Спорттық және басқа да жарақаттардың алдын алу, емдеу, қалпына келтіру секілді жағдайлар қарастырылған», – деді спорт басқармасының басшысы Самат Жылқыбаев

Елордада бұқаралық спортты дамыту мақсатында нақты жобалар мен жоспарлар бойынша қарқынды жұмыс жүргізіліп жатыр. 2023 жылдан, яғни биылдан бастап Ат спорты кешені ұлттық және олимпиадалық ат спорты түрлерін (конкур, көкпар, аударыспақ, бәйге, теңге ілу, жамбы ату) дамытумен қатар, иппотерапия әдісімен мүмкіндігі шектеулі балаларды оңалтуға арналған іс-шаралар ұйымдастыру бойынша жұмыстар қолға алынбақ. Сондай-ақ 19 ақпанда жыл сайынғы «Бұрқасын-2023» қысқы фестивалі өтеді. Оның алаңында шаңғы жарысы, гір тасын көтеру, белбеу күресі, арқан тарту, авто және мотоспорт және т.б. сияқты 10 спорт түрінен жарыстар өтеді. Бұдан басқа, алдағы ақпан-наурыз айларында қысқы триатлоннан жарыстар, ат спортына бірнеше жарыс, «солтүстік өңір» көкпары және Наурыз мерекесіне байланысты бірқатар бұқаралық спорттық іс-шаралар жоспарланған. 

Ермек Сахариев
26.01.2023

Ұқсас жаңалықтар

АРЫСҚА ШЕТЕЛДІК ИНВЕСТОРЛАР КЕЛДІ
Түркістан облысы әкімінің баспасөз қызметі - 28.03.2024 65
ҚАЗАҚТЫҢ ЖАНЫ – ДОМБЫРА
Дәулетбек Байтұрсынұлы - 28.03.2024 119
ОТАНСЫЗ ЖЕТІМ, ДІНСІЗ БАҚЫТСЫЗСЫҢ
Нұрлан Байжігітұлы - 28.03.2024 48
АППАРАТТЫҚ КЕҢЕСТЕ
Шу ауданы әкімдігі - 28.03.2024 40

Топ жаңалықтар

1
Жасанды интеллект Президенттің ақыл-ой деңгейін тексерді
Show more
smi24.kz - 2024-03-18 343
2
Өркенді қала-қуатты өңірге жетелейді
Show more
Дахан Шөкшир - 2023-06-02 6445
3
Желтоқсан батырлары—саяси қуғын-сүргін құрбандарының бірі
Show more
Сұхбаттасқан Шаргүл Қасымханқызы - 2023-06-02 8157
4
Қарағандыда саяси қуғын-сүргін және ашаршылық құрбандарын еске алу күні өтті
Show more
- 2023-06-01 6526
5
Қарағандыда “Қасіретті КарЛаг” Республикалық жыр мүшәйрасы өтті
Show more
- 2023-05-31 6661