Көне Тараз өңірінде қазақтың ұлттық спорт түрлері көкпар мен аударыспақтан Қазақстан чемпионаты басталды. Додаға еліміздің 17 өңірінен 300-ден астам спортшы қатысып жатыр. Жарыс 10 күнге созылады. Осы ойындардың нәтижесінде ұлттық құрама шабандоздарын іріктеу көзделіп отыр. Үздік шығып көзге түскендері қыркүйек айында өтетін халықаралық Көшпенділер бәсекесінде ел намысын қорғайды.
«Әулиеата» командасының шабуылшысы Құрманбек Тұрғанбек: «Бірінші ойында үштікте жүрген Атырау құрамасын 7:2 есебімен жеңдік. Алда Түркістан, Қызылорда облысы бар. Соларға қайта дайындықты жинақтап шығуға дайындаламыз», – десе, ҚР ұлттық спорт қауымдастығының вице-президенті Мұхтар Имашев: «Байрақты бәсекеге биыл елімізден 15 команда жиналды. Алтауы – жоғары, оғызы – бірінші лигадан. Ойын керемет өтіп жатыр. Жылда финалға Әулиеата мен Түркістан облысы шығып жүретін еді. Енді биыл сайысқа сақадай сайланып келген бірнеше командаларды көріп отырмыз», – дейді.
