Бүгін 1 қазан - Халықаралық қарттар күні. Осыған орай Сарысу ауданының әкімі С.Мамытов пен ауылдық округ әкімі М.Өксікбаев және аудандық ардагерлер кенесінің төрағасы Ж.Жұмаділдаевпен бірге, Саудакент ауылының ардагерлерінің шаңырақтарына арнайы барып құттықтады.
Бар ғұмырын қажырлы еңбек пен елінің өсіп - өркендеуіне арнаған қарттарға құрмет көрсетіп, естелік сыйлықтар табыс етілді.
Аудан әкімі құттықтауын Сарысу ауданының құрметті азаматы Досжанова Алтын апамыздың шаңырағынан бастады. Қарт апамызға ұзақ ғұмыр, мықты денсаулық тіледі.
Құттықтау легі сонымен қатар Қалдыбай Назарбеков қарияның шаңырағында жалғасты.
Өз кезегінде қазыналы қарттар да ризашылықтарын жеткізіп, баршаға бейбіт те берекелі өмір тіледі.
