Ұлттық экономика вице-министрі Бауыржан Омарбеков: «Қазіргі таңда еліміздің ауылдық жерлерінде барлығы 3 млн 530,6 мың адам жұмыспен қамтылған. Оның ішінде өзін-өзі жұмыспен қамтығандардың саны – 1 млн 201,3 мың (34%). Ауылда өзін-өзі жұмыспен қамтығандар арасында жастар 12,5 пайызды, ал зейнет жасындағы адамдар 3,4 пайызды құрайды. 2022 жылдың басындағы мәліметке сәйкес, ауылдық елді мекендерде 50,7 мың дәрігер мен орта медицина қызметкері жұмыс істейді. Кадрлардың қосымша қажеттілігі 1 850 бірлікті құрайды. Ауылдық жерлерде барлығы 209,6 мың педагог жұмыс істейді. Дегенмен, шекаралық ауылдар бойынша халықтың жұмыспен қамтылу көрсеткіші, тапшы мамандар туралы бөлек статистика жүргізілмейді», – деп жазады.
