Қазақстандық ауыр атлет өз салмақ дәрежесінде екінші сатыға тұрақтады.. Грекияда ауыр атлетикадан жасөспірімдер арасындағы байрақты бәсеке өтіп жатыр. Жарыстың кезекті күні 73 келіге дейінгі салмақ дәрежесіндегі зілтеміршілер арасында сындар өтті.Осы салмақта ел намысын қорғаған Алексей Чуркин жұлқа көтеруде 146, ал, серпе көтеруде 183 келіні еңсеріп, қоссайыс қорытындысы бойынша 329 келіні бағындырды. Бұл жарыс жеңімпазының көрсеткішінен 12 келіге аз. Бәсекенің алтын жүлдесі Индонезия, ал, күміс Қазақстан спортшысына бұйырса, үздік үштікті АҚШ өкілі түйіндеді. Осы салмақтағы тағы бір қазақстандық Петр Хребтов 307 келіні көтеріп, жалпы есепте 5-і орынға жайғасты. Жасөспірімдер арасындағы әлем чемпионаты 10 мамырға дейін жалғасады және осы аралықта тағы 6 спортшымыз бағын сыйнайды.
