10 ақпаннан бастап Қарағандыда «Барлығына арналған өнер» пилоттық жобасы басталады. Оқушылар мен студенттер мұражайлар мен театрларға, концерт және көрме залдарына тегін бара алады, сондай-ақ өнер және кескіндеме тарихы бойынша дәрістер тыңдай алады, шеберлік сабақтарына қатыса алады.
Жоба жыл бойы жүзеге асырылады, деп хабарлады қала әкімдігі.
Барынша көбірек балалар мен жастарға мәдениет нысандары қолжетімді болуы мен шығармашылыққа неғұрлым көбірек жұмылдыру үшін келесідей шаралар қарастырылады:
- ай сайын мұражайларға, театрларға, концерт және көрме залдарына тегін бару;
- суретшілердің, театр әртістерінің шеберлік сабақтарын өткізу;
- өнер және кескіндеме тарихы бойынша дәрістер мен әңгімелер. Оларды «Қазақстан Суретшілер одағы» ҚҚ, С. Сейфуллин атындағы, К. С. Станиславский атындағы, музыкалық комедия және «Буратино» балалар театрының, концерттік бірлестіктің өкілдері оқиды.
Жобаға мектеп оқушылары, колледждер мен жоғары оқу орындарының студенттері, оның ішінде ерекше қажеттіліктері бар балалар және олармен бірге жүретін адамдар қатыса алады.
Мәдениет нысандарына тегін келу күндері анықталды:
Мұражайлар:
· мектеп оқушылары үшін: айына бір күн – әр 2-ші бейсенбі – мұражай күні;
· студенттер үшін: айдың 4-ші бейсенбісі – мұражай күні.
Театрлар:
· мектеп оқушылары үшін: айына бір күн – айдың бірінші сәрсенбісі – театр және музыка күні;
· студенттер үшін: айдың 2-ші сәрсенбісі – театр және музыка күні.
Жоба туралы толығырақ ақпаратты Қарағанды қаласының мәдениет, тілдерді дамыту, дене шынықтыру және спорт бөлімінен білуге болады.
Анықтама телефондары: 78-55-25, 8-776-276-14-88.
