Бүгін Сарысу ауданы, Қамқалы ауылдық округі әкімінің сайлауы өтуде.
Қамқалы ауылдық округіне Шығанақ, Қамқалы, Жайлаукөл ауылдары кіреді.
Сайлау №381, №382 және №383 сайлау учаскесінде жергілікті уақытпен сағат 07:00-де мемлекеттік әнұранмен басталды.
Шығанақ ауылы, С. Сейфуллин орта мектебінде орналасқан сайлау учаскесінде алғаш болып дауыс берген ауыл тұрғыны Ерлан Тоқсанбаевқа арнайы сый-сияпат табысталды.
Айта кетейік, сайлауға қазіргі округ әкімі Мақсат Төлеутай, мемлекеттік қызмет саласының тәжірибелі мамандары Оспанов Айдос Жүсіпбекұлы және Үзекбаев Өмірәлі Мұхтарханұлы өз кандидатураларын ұсынған.
