БҰҰ қос елді Пасха кезінде бітімге келуге шақырды

Ресей мен Украинаны Пасха кезінде төрт күндік бітімге келуге шақырған БҰҰ-ның Бас хатшысы Антониу Гутерриш: «Бүгін мен Қасиетті аптада төрт күндік гуманитарлық үзіліс жасауға, яғни ұлы бейсенбіден бастап Пасха жексенбісіне дейін гуманитарлық дәліздерді ашуға шақырамын. Ұйым осы уақыт ішінде Мариуполь, Херсон, Донецк және Луганск қалаларына гуманитарлық көмек жіберуге дайын. Мен барлық тараптарға менің үндеуімді қолдауды ұсынамын. Адам өмірін сақтайық. Қантөгісті тоқтатайық. Диалог жүргізіп, бейбітшілік орнатайық»,— деп мәлімдеді.