Былыққа батқан СПК «ASTANA»

СПК «ASTАNA» – Астана әкімдігіне қарасты квазимемлекеттік компания. Ол өңірдің әлеуметтік, азық-түліктік мәселелерін шешуге арналған болатын. Соңғы жылдары осы СПК форматы үлкен сынға ұшырап жүр. Тіпті алдағы жылдары олар Президент үкімімен жабылып тынуы да ғажап емес. Олардан өңірге ешқандай пайда жоқ. Және өздері күн санап қарызға кіруде. 2021 жылдың қорытындысы бойынша СПК «ASTANA» 38,8 миллион теңге табыс тапқан. Есесіне, 2020 жылы 1 млрд теңгеге жуық шығынға батқан. Қазір компанияның жинақталған қарызы 937 млн теңгені құрап отыр.  Әрқайсысы өзіне бизнес модель ойлап тауып, мемлекет қаржысын депозиттерде ұстап, айналдырумен айналыса бастаған. Мысалы, СПК «ASTANA» бос ақшаны депозитке салып, 98 млн теңге пайда алды. Бірақ оның әу бастағы міндеті мен функциясы мүлде басқа болатын.