4 қараша күні Британдық Дәрі-дәрмектер мен денсаулық сақтау өнімдерін реттеу агенттігі (MHRA) АҚШ-ның Merck-Биофармацевтикалық компаниясы жасаған COVID-19 жұқпалы ауруын емдеуге арналған Молнупиравир (Monupiravir) препаратын қолдануды мақұлдады.
Британдық Дәрі-дәрмек және денсаулық өнімдері басқармасы бұл препараттың «жеңіл және орта дәрежедегі науқастардың емделуі мен өлім қаупін көрнекті дәрежеде төмендетеді, әрі аурудың асқынуының алдын алады» -деп таныстырды.
Бұл әлемді әбігерге салып отырған коронавирусқа қарсы әлемдегі алғашқы жұтпа дәрі. Ұлыбритания COVID-19 ды емдеуге арналған дәрілерге рұқсат берген алғашқы ел. Англияның Денсаулық сақтау және әлеуметтік қызметтер министрі Саджид Джавид «Бұл дәрінің қолданысқа енгізілуі- еліміз үшін тарихи күн» деп мәлімдеді.
Ұлыбританиядағы Молнупиравир (Monupiravir) брендінің атауы - Lagevrio. Өткен айда Ұлыбритания 480 000 емдеу курсына жететін дәріні сатып алған екен.
Қазіргі таңда Еуроодақ елдері мен Америка Құрама Штаттарындағы денсаулық сақтау агенттіктері де монопиравирді қолдануды қарастырып жатқан көрінеді.
