Дайындық барысы бірқалыпты

Дайындық барысы бірқалыпты

«Қыстың қамын жаз ойла». Бүгінгі таңда облыс әкімдігінің денсаулық сақтау басқармасына қарасты ұйымдардың алдағы 2023-2024 жылдар аралығындағы жылыту маусымына дайындық шаралары қалай жүргізілуде? Қылышын сүйретіп қыс келген сәтте, қыстың көзі қырауда қысылып қалмаймыз ба?

Жалпы, облыс әкімдігінің денсаулық сақтау басқармасына қарасты 389 денсаулық сақтау ұйымы бар. Оның ішінде 173 нысан қатты отынмен, 1 нысан дизельдік отынмен, 186 нысан табиғи газбен және 29 нысан орталықтандырылған жылу жүйесімен жылиды. Қатты отынмен жылитын нысандарға 4469 тонна көмір қажеттілігі жоспарланып, бүгінгі күнге 4469 тонна көмір 100 пайыз тасымалданған.

Ауылдық елді мекендерде орналасқан медициналық нысандардағы жылыту пештеріне ағымды жөндеу жұмыстары жүргізілуде. Сонымен қатар, нысандардың қазандықтары мен жылу жүйелері жоғарғы қысымды сынақтан өткізіліп, монометрлер мен термометрлер арнайы тексеруден өткізілуде.

Дайындық жұмыстарын зерделеу барысында Меркі, Жуалы аудандарына 1, Мойынқұмға 2, Шуға 4 дана табиғи газбен жылу беретін пеш сатып алу қажеттіліктері анықталып, алдағы бюджет нақтылауына 79280,0 мың теңгеге өтінім ұсынылған. Сонымен қатар, Сарысу ауданы, Саудакент ауылдық ауруханасының қазандығына аурухана есебінен 2 пеш сатып алынған. Қазандықты күрделі жөндеуден өткізуге жобалау-сметалық құжаттама әзірлеу үшін 12309,1 мың теңгеге бюджеттік өтінім тапсырылған.

Биыл Жуалы ауданында 4, Байзақ ауданындағы 14 елді мекендегі нысандарды мекеме өз қаражаты есебінен табиғи газға қосыпты. Осы жылы аудандық ауруханалар есебінен шамамен 21600,0 мың теңге көлемінде 27 алғашқы медициналық көмек көрсету нысандарына жобалау-сметалық құжаттама әзірленіп, газдандыру жоспарланған.

– Тараз қаласы бойынша Әйтиев көшесінде орналасқан 260 орындық облыстық көпбейінді ауруханасының ғимаратын қайта жаңарту жобасы министрлікке ұсынылды. Тараздағы әл-Фараби көшесінде орналасқан Жамбыл облысы әкімдігі денсаулық сақтау басқармасының қалалық көпбейінді ауруханасын қайта жаңарту жобасына жобалау-сметалық құжаттамасы әзірленіп, сараптамаға жіберілді.

Ал, Әйтиев көшесіндегі Жамбыл облыстық көпбейінді ауруханасының 6 ғимаратын реконструкциялау бойынша жобалау-сметалық құжаттамасы толықтай дайындалып, Индустрия және инфрақұрылымдық даму министрлігі Құрылыс және тұрғын үй-коммуналдық шаруашылық істері комитетінің «Жобаларды мемлекеттік ведомстводан тыс сараптау» шаруашылық жүргізу құқығындағы республикалық мемлекеттік кәсіпорнымен ведомстводан тыс кешенді сараптамасы жүргізіліп, бүгінгі күнге сараптамасының оң қорытындысы алынып қойды, – деді облыстық денсаулық сақтау басқармасының баспасөз қызметі.

Құралай СЕЙСЕНБЕКҚЫЗЫ
23.08.2023

Ұқсас жаңалықтар

Баянды бастамалар жылы – Берік Уәлимен сұхбат
Автор Гүлнұр Ғазизқызы, «ҚазАқпарат» Халықаралық ақпарат агенттігі - 28.12.2023 1023
ШЫМКЕНТТЕ 3 ЖЫЛДА 472 КӨШЕ ЖАРЫҚТАНДЫРЫЛДЫ
Шымкент қаласы әкімінің баспасөз қызметі - 25.07.2023 2898

Топ жаңалықтар

1
Желтоқсан батырлары—саяси қуғын-сүргін құрбандарының бірі
Show more
Сұхбаттасқан Шаргүл Қасымханқызы - 2023-06-02 6373
2
Өркенді қала-қуатты өңірге жетелейді
Show more
Дахан Шөкшир - 2023-06-02 5701
3
Оразай би ҚОЖАГЕЛДІҰЛЫ. Әшімжанның әкесі.
Show more
Жанарбек Әшімжан ФБ парақшасынан - 2023-06-01 5941
4
Қарағандыда саяси қуғын-сүргін және ашаршылық құрбандарын еске алу күні өтті
Show more
- 2023-06-01 5786
5
Өміріңді сақтандыр, өкінбейсің!
Show more
Тілеуберді САХАБА, Павлодар облысы - 2023-05-31 5669