Дін саласындағы ақпараттық-түсіндіру жұмыстары
«Жаңа-Ру» жастар коалициясының қауымдастығы» заңды тұлғалар бірлестігі және «Жамбыл облысы әкімдігінің дін істері басқармасы» КММ-нің ұйымдастыруымен 2023 жылы 27 қыркүйек күні Жуалы ауданында «Дін саласындағы ақпараттық-түсіндіру жұмысының іс-шараларын ұйымдастыру және өткізу жұмыстары» жобасы аясында түрлі кездесулер өткізілді.
Оның ішінде: «Имани иммунитетті қалыптастыру – заман талабы» атты кездесу, «Терроризмге қарсы күрес бағытында діни ахуалды жақсарту» тақырыбында жиын, «Діндегі шектен шығушылықтың қаупі» атты кездесу және тағы да басқа іс-шаралар ұйымдастырылды.Аталмыш іс-шараларға лектор ретінде дін саласындағы республикалық ақпараттық-түсіндіру тобының мүшесі Жамбыл облысы Байзақ аудандық орталық мешітінің бас имамы Жұмағұл Қанат Әділханұлы келіп, аудан тұрғындарымен, мешіт жамағатымен, оқу орын жастарымен дін саласындағы өзекті мәселелер жайында ой қозғады.
