Келесі жылы Түркияда төртінші Дүниежүзілік көшпенділер ойыны өтеді деп жоспарлануда. Халықаралық дода 2020 жылы өтуге тиіс еді, алайда пандемияға байланысты екі рет шегерілді. Дүниежүзілік көшпенділер ойыны – этникалық спорт түрлерінен өтетін халықаралық сайыс. Оған Орталық Азия көшпенді халықтарының ұлттық ойындары кіреді. Мақсаты – өркениет мұрасы ретінде әлемде этномәдени және этноспортты дамыту, ұлттық ойындарды жаңғырту.
Көшпенділер ойынын өткізу идеясын 2012 жылы Бішкектегі Түркі кеңесі саммитінде Қырғызстан ұсынды. Бұл бастама түркі тілдес мемлекеттерден қолдау тапты. Осыдан кейін 2014 жылдан бастап Көшпенділер ойыны екі жылда бір рет қырғыз елінде ұйымдастырылып келді. 2018 жылы эстафетаны Түркия қабылдады.
