Хорватия астанасы Загребте дзюдодан әлемдік Гран-при турнирі басталып, Қазақстан қоржынына алғашқы алтын медаль түсті. 60 келіде сынға түскен Мағжан Шамшадин өз тобында Куба, Америка, Испания және Түркіменстан балуандарын жеңіп, жартылай финалға шықты. Финал жолдамасы үшін таласта қазақстандық балуан франциялық Максим Мерлинді ұтты. Ал ақтық сында Оңтүстік Корея өкілі, әлем чемпионатының екі дүркін қола жүлдегері, Азия ойындарының жүлдегері Ким Вон Джиннен басым түсті.
Бұл салмақта сынға түскен спортшыларымыз Нұрдәулет Аманқосов пен Елдос Сметов ұтылып қалды.
