Ұлты үшін ұрандап, Елі үшін ерен істер атқарып жүрген қоғам қайраткері
Сәуле Мешітбаеваның Таразға келгенін естіп, кездесудің реті келді. Жағдай сұрасып болған соң, Сәуле әпкемнің жанына еріп облыстық білім басқармасына келдік.
Басқарма басшысы Мейірхан Азатұлы жылы қабақпен қарсы алды.
Арнасын тапқан бұлақтай екіжақты айтылған әңгіме "сыңғырлай" жөнелді. Әңгіменің мұраты — Ел болашағы, ұлт мүддесі, халқымыздың қамы!
Ортақ мақсат, ортақ оймен сөз түйінделді. Алла қаласа, ЕЛАНА — Сәуле Мешітбайқызы Тараз қаласы мен өңір аудандарын аралап, Аналық тәрбие мен даналық тәлімін беріп, тәжірибесін бөліседі.
Айтпақшы газет-журнал және әлеуметтік желіні оқымайтындарға Сәуле әпкені таныстырып өтейін. ҚР еңбек сіңірген қайраткері, Жамбыл облысының Құрметті Азаматы, «QAZAQSTAN DAUIRI» газетінің, республикалық «Мөлдір бұлақ» балалар журналының Бас директоры, «ЕлАна» қоғамдық қорының президенті, «ЕлАна» қоғамдық-танымдық, әлеуметтік-ақпараттық сайтының Бас редакторы, Қазақстан Республикасы Журналистер Одағының мүшесі.
