1 желтоқсан күні Жамбыл обысының Жамбыл аудандық мәдениет үйінің көрермен залында Қазақстан Республикасы Тұңғыш Президенті күніне орай «Елін сүйген, елі сүйген Елбасы» атты онлайн мерекелік іс-шара ұйымдастырылды.
Іс-шара мың бұралған «Аса сазы» бишілерінің «Қазақ» биімен басталып, керемет мерекелік думанға ұласты. Сонымен қатар «Дарын» халық театры әртістерінің орындауындағы «Елбасының балалық шағы» атты қойылымы көрермен назарына ұсынылды. Қойылымда негізінен Елбасы Нұрсұлтан Әбішұлы Назарбаевтың бал дәуренді балалық шағы мен оқушылық өміріндегі қызықты да тарихи сәттер баяндалды.
Сондай-ақ, мерекелік шарада аудандық мәдениет үйі жанынан құрылған «Ақындар» үйірмесінің мүшелері «Елбасыға арнау» жыр шумақтарын көрермендерге тарту етті.
Көңілді өткен, әрі рухани демалыс сыйлаған мерекелік кештен көрермендер керемет әсер алып шықты.
