Елордада дін қызметкерлері вакцина салдырды

«Елордалық дін өкілдері «Абу-Даби Плаза» СОО-да орналасқан вакцинация пунктіне барып, коронавирустық инфекцияға қарсы ревакцинациядан өтті», – деп хабарлайды қала әкімдігінің ресми сайты.  «Бүгін (24 қаңтар) елордалық дін өкілдері коронавирусқа қарсы ревакцинациядан өтіп жатыр. Біз вакцинацияны қолдаймыз. Пандемиямен күрестің басты жолы – вакцина деп санаймыз. Сондықтан қала тұрғындарын вакцинациядан және ревакцинациядан өтуге шақырамыз. Жалпы, елордада 54 діни бірлестік жұмыс істейді, сондай-ақ қоғамдық және үкіметтік емес діни ұйымдар да бар», – деді Нұр-Сұлтан қаласының Дін істері басқармасының басшысы Нұрдәулет Әлмұханов. Оның айтуынша, басқарманың барлық қызметкері вакцинаның екі компонентін алған. Енді ревакцинациядан өтіп жатыр. Олардың арасында Қазақстан мұсылмандары діни басқармасы мен Орыс Православ шіркеуінің өкілдері бар.