Қазақстан құрамасы 2024 жылғы Еуропа чемпионатына іріктеу кезеңінде сегізінші ойынын өткізді. Ойын Хельсинкидегі «Олимпьяштадион» стадионында өтті. Бірінші таймда Роберт Тейлор соққан голдың арқасында Финляндия алға шықты. Үзілістен кейін қазақстандықтар алдымен пенальтиді дәл орындаған Бактиер Зайнутдиновтың күшімен есепті теңестірді, ал кездесудің 89-минутында Рамазан Оразовтың бұрыштама добынан кейін «Бешикташ» ойыншысы жеңіс голын соқты. Қорытынды есеп қазақстандықтардың пайдасында – 2:1. Айта кетейік, Бактиер Зайнутдиновтың екі добы оған Руслан Балтиевті (13 гол) басып озып, 14 голмен Қазақстан құрамасының тарихындағы үздік сұрмерген атағына жеткізді. 8 турдан кейін Қазақстан құрамасында H тобындағы турнирлік кестесінде 15 ұпай бар. Команда келесі кездесуін 17 қарашада Астанада Сан-Марино командасына қарсы өткізеді. Ал Еуроға соңғы іріктеу ойыны 21 қарашаға жоспарланған, онда Қазақстан құрамасы Словения құрамасымен кездеседі.
