Футболдан елордалық «Астана» командасына бірінші турдағы ойыннан кейін техникалық жеңіліс жазылды. Айта кетсек, алғашқы турда «Астана» елордада Қарағандының «Шахтер» командасымен кездесіп, ойын 0:0 есебімен тең аяқталған болатын. Алайда аталған ойында елордалық клуб қазақстандық футболдың түлегі саналмайтын жеті футболшының заңсыз қатыстырған. Салдарынан бұл бойынша тиісті заңдылықтар сақталмаған. Осыған орай Қазақстан кәсіпқой футбол лигасы тиісті шешім шығарып: «Қазақстан футбол федерациясының Бақылау-тәртіптік комитетінің шешімімен кездесудің нәтижесі жойылды. «Астанаға» 0:3 есебімен техникалық жеңіліс жазылды», – деп мәлім етті.
