Футбол: Авиадиспетчерлеріміз – әлем чемпионы!

Еліміздің Азаматтық авиация комитеті: «Испанияның Тенерифе аралында өткен авиадиспетчерлер арасындағы футболдан Әлем чемпионатында Қазақстан ұжымы басты екі марапатқа ие болды. Турнирге 16 мемлекет қатысты. Қазақстан атынан «Қазақстан» және «Астана» аэронавигациялық қызметтері қызметкерлерінен тұратын екі команда қатысты. Жарыс барысында отандық командалар Мажарстан, Америка Құрама Штаттары, Кипр, Испания, Италия әуе диспетчерлерінің құрама командаларымен кездесіп, айқасты тартыста жеңіске жетіп, финалға шықты. Нәтижесінде «Қазаэронавигация» РМК «Қазақстан» командасы әлем чемпионы атағын жеңіп алды, ал «Қазаэронавигация» РМК «Астана» командасы 2-орынды иеленді, 3-орын Испанияның «Интернешнл» құрама командасына бұйырды», – деп хабарлайды.