Грек-рим күресінен Азия чемпионатына қатысатын Қазақстан құрамасы белгілі болды. Оқу-жаттығу жиыныннан кейін грек-рим күресінен Қазақстан ұлттық құраманың бас бапкері Серік Жұмашев Азия чемпионатына қатысатын отандық балуандар тізімін жариялады. Биылғы құрлықтық біріншілік Моңғолия астанасы Ұланбатырда өтеді. Азия чемпионатына қатысатын қазақстандық балуандар: 55 келіде – Аманғали Бекболатов; 60 келіде – Ернұр Фидахметов; 63 келіде – Мирамбек Айнағұлов; 67 келіде – Мейіржан Шермахамбет; 72 келіде – Абылайхан Әмзеев; 77 келіде – Мақсат Ережепов; 82 келіде – Диас Кален; 87 келіде – Нұрсұлтан Тұрсынов; 97 келіде – Санжар Серікқан; 130 келіде – Әлімхан Сыздықов. Палуандарымызға бозкілем үстіндегі белдесулерде жеңіс тілейміз!
