Мемлекетіміздің даму стратегиясындағы инновациялық бағыт – бұл ұрпақ үлесін ғасырлар қойнауына апаратын сара жол. Инновация дегеніміз – жаңалықтарды іске асыра отырып, жасалып жатқан үдерістер мен өнімдердің сапасын арттырып, оларды нарық үшін бәсекеге қабілетті ету. Осы жағдайға байланысты Қазақстан Республикасының жаңаруы жағдайындағы мемлекеттік құрылымның барлық саласында инновациялық зерттеулер жүргізу бүгінгі қоғамның сұранысы болып тұр.
Қазақстандық тәуелсіздік алғаннан бері, индустрияландыру саясатының негізгі мақсаты катализатор ретінде және бүкіл экономиканы әртараптандыру негіздері – өңдеу өнеркәсібін дамыту және дамыту үшін жағдай жасау. Қазақстандық индустрия елдің ЖІӨ-де 30%-дан астамын береді, ол жұмыспен қамтылған халықтың 20%-ын құрайды.
Тәуелсіздік алғаннан бері еліміз ғасырға татитын жетістіктерге жетіп, дамудың инновациялық жолына түсті. Қазіргі таңда Қазақстан дүниежүзіндегі қарқынды дамып келе жатқан мемлекеттердің бірі болып табылады. Бұл ретте Қазақстан өзінің тәуелсіздігін одан әрі нығайту мақсатында мемлекеттік құрылымның әртүрлі саласында өркениетті елдердің үлгілеріне сай келетін түбірлі инновациялық жаңаруларды жүзеге асыру кезеңін басынан кешіріп отыр. Біздің алдағы мақсатымыз – елімізде болып жатқан демократиялық сипаттағы саяси, экономикалық, әлеуметтік және мәдени салалардағы инновациялық өзгерістердің мәнін жете түсіну үшін ғылыми-әдіснамалық және қолданбалық зерттеулер жүргізу, оларды жүзеге асыру шарттарын анықтау мен оған ғылыми болжам жасау болып табылады.
Қазақстан Президенті Қасым-Жомарт Тоқаев инновациялық даму мен индустрияландырудың маңыздылығын бірнеше рет атап өтті. Ұлттық құрылтайда сөйлеген сөзінде ол білім мен ғылымға құйылған инвестиция 5 еседен астам, денсаулық сақтау мен әлеуметтік салаға 3,5 есе, көлік саласына 3 есеге жуық өскенін атап өтті. Жаңа жылдық Жолдауында ол елімізде жаңа экономикалық бағытты жүзеге асыруда шешуші қадамдар жасалып, реформалар алғашқы нәтижелерін бере бастағанына ерекше тоқталды.
Президент Тоқаев өзінің соңғы сөздерінің бірінде: «Инновациялар мен индустрияны дамыту жай ғана экономикалық қажеттілік емес, егемен болашағымыздың кепілі. Біз технологиялық серпіліс үшін жағдай жасау, өңдеу өнеркәсібіне инвестиция тарту және цифрлық шешімдерді белсенді түрде енгізуіміз керек. Қазақстан Орталық Азиядағы озық әзірлемелер мен IT-индустрия орталығына айналуы керек», – деуі бекер емес.
Сондай-ақ Президент өнеркәсіп пен инновацияда шағын және орта бизнесті қолдаудың маңыздылығына тоқталып, мемлекеттік органдарды стартап экожүйесін дамытуға және венчурлық қаржыландыруға белсенді жәрдемдесуге шақырды.
Еске сала кетейік, «Қазақстандықтардың әл-ауқатының өсуі: табыс пен тұрмыс сапасын арттыру» Жолдауының аясында берілген тапсырмаларға сәйкес әзірленген Индустриялық-инновациялық дамудың 2020-2025 жылдарға арналған мемлекеттік бағдарламасының тұжырымдамасы қаралып, бүгіндері іске асуда.
Тұжырымдама «қарапайым заттар экономикасын» дамыту, ішкі нарықты отандық тауарлармен толтыру, өңдеу өнеркәсібіндегі экспортшыларды қолдау, шетелдік инвестицияларды қоса алғанда, жеке инвестицияларды тарту арқылы ірі, үздік жобаларды іске асыру тәрізді бағыттарды қамтиды. Алайда 2025 жылға дейінгі Стратегиялық даму жоспарымен сабақтастық қамтамасыз етіліп, негізгі бастамалар мен қағидалар ескерілген.
Индустриялық-инновациялық даму мемлекеттік бағдарламасы экономиканы әртараптандырып, оның бәсекеге қабілеттілігін арттыру арқылы Қазақстанның индустриялық елдер қатарына қосылуына ықпал етеді. Аталмыш бағдарлама ел экономикасын шикізатқа тәуелділіктен арылта отырып, өндірістің дамуына, экспорттың артуына жол ашып, ел экономикасының қарқынды дамуын қамтамасыз етуі тиіс.
