Ішкі істер министрі тағайындалды

      Президент Қ.Тоқаевтың жарлығымен Марат Ахметжанов Сыбайлас жемқорлыққа қарсы іс-қимыл агенттігінің төрағасы қызметінен босатылып, ҚР Ішкі істер министрі болып тағайындалды. Президент жарлығында: «Марат Мұратұлы Ахметжанов Сыбайлас жемқорлыққа қарсы іс-қимыл агенттігінің төрағасы лауазымынан босатылып, Қазақстан Республикасының Ішкі істер министрі болып тағайындалсын», – делінген.  Ахметжанов жемқорлыққа қарсы күрес қызметін 2021 жылдың сәуірінен бері атқарып келген, оған дейін Бас прокурордың орынбасары болған.