Канада – әлем чемпионы

Канадада жастар арасында 2023 әлем чемпионаты мәресіне жетіп, айдын иелері чемпиондық тұғырға көтерілді. Финалда канадалық жастар Чехия құрамасымен кездесті. Ойында Солтүстік Америка құрлығының өкілдері қарсыласынан овертаймда 3:2 есебімен басым түсіп, жеңімпаз атанды. Үшінші орын үшін сайыста АҚШ құрамасы овертаймда Швецияны 8:7 есебімен жеңді. Аустриялық жастар Латвиядан жеңіліп, алдағы жылы бірінші дивизионда сынға түсетін болды. Оның орнын Норвегия құрамасы басты. Норвегиялық жастар бірінші дивизионда желтоқсан айында өткен іріктеу сатысында Қазақстан құрамасын артта қалдырып кеткен болатын.