Жәнібек Әлімханұлы қарсыласын екінші раундта нокаутқа түсірді.
Қазақстандық боксшы Жәнібек Әлімханұлы (11-0, 7 КО) Лас-Вегаста (АҚШ, Невада штаты) WBO нұсқасы бойынша орта салмақта «уақытша» чемпион атағы үшін британиялық Дэнни Дигнумға (14-0-1, 8 КО) қарсы кездесу өткізді. Жекпе-жек 12 раундқа есептелген болатын. Бірінші раундта нокдаунға түскен Жәнібек екінші раундта қарсыласын нокаутқа түсіріп, жеңіске жетті.Осылайша, Жәнібек Әлімханұлы кәсіби бокста өзінің 12-ші жеңісіне қол жеткізді және кәсіби бокста WBO нұсқасы бойынша орта салмақта «уақытша» чемпион атанды. Британиялық боксшы үшін бұл кәсіби бокстағы алғашқы жеңіліс.Бұл жекпе-жектің жеңімпазы 180 күн ішінде мына әрекеттерді жасауы керек:жеңімпаз дайын болса, орта салмақтағы WBO чемпионымен кездесу өткізеді. WBO 30 күндік келіссөздер кезеңін орнатады;б егер орта салмақтағы WBO чемпионы медициналық не физикалық тұрғыдан дайын болмаса, осы құжатта қарастырылған мерзімде кездесу өткізу мүмкін болмаса, орта салмақтағы WBO чемпионы атағынан айырылады.WBO чемпионды рейтингте бірінші орынға қоюды ұсынады, сондықтан «уақытша» чемпион әлемдік атақтың толық иегері болады. Айта кетейік, WBO нұсқасы бойынша нағыз әлем чемпионы америкалық боксшы Деметриус Андраде (31-0, 19 КО).
