Кентау қаласының тұрғыны, кәсіпкер Бейбіт Баймаханов мемлекеттен қайтарымсыз 1 млн. 380 мың теңге алып, кәсібін дөңгелетіп отыр. Қаржысына қажетті құрылғылар сатып алған.
Кәсіпкер үй жағдайында қолжетімді бағада, нысан құрылысына, дизайн интерьер бағытында қолданатын 3D панельдерін жасайды. Негізгі мамандығы – дәнекерлеуші. Жұбайы екеуі 2 қыз, 3 бала тәрбиелеп отырған үлгілі көпбалалы отбасы.
Көпбалалы әке кәсіптің бұл түрімен 3 жылдан бері айналысып келеді. Мемлекеттік бағдарламаның қолдауымен бүгін де кәсібі ұлғайып, тапсырыстар көбейген. Қазіргі таңда, айына 200 000-250 000 теңге табыс тауып отыр.
